Þjónustufulltrúi í fyrirtæki veitir viðskiptavinum þess margvíslega þjónustu og ber ábyrgð á því að erindi komist í réttan farveg. Í starfinu felst að svara viðskiptavinum á staðnum, í síma eða rafrænum miðlum, móttaka erindi þeirra, miðla áfram og skrá niður. Þjónustufulltrúi sinnir einnig ráðgjöf og/eða upplýsingagjöf til viðskiptavina og eftir atvikum sölu á þjónustu, reikningagerð og uppgjöri.

Þjónustufulltrúi vinnur undir leiðsögn yfirmanns og eftir fyrir fram ákveðnum verkferlum og reglum.

Helstu verkefni

- móttaka viðskiptavina
- símsvörun og samskipti
- ráðgjöf, upplýsingagjöf og aðstoð
- fundaumsjón
- skjala- og gagnaumsýsla
- birgðahald og innkaup á skrifstofuáhöldum

Hæfnikröfur

Þjónustufulltrúi þarf að hafa góða almenna þekkingu á innviðum viðkomandi fyrirtækisins,  vörum þess og þjónustu ásamt því að fylgja lögum og reglum varðandi meðferð trúnaðarupplýsinga.

Starfaprófílar FA