Danskennarar sinna danskennslu í dansskólum, listdansskólum, jassballettskólum, líkamsræktarstöðvum eða á námskeiðum. Starfið felst að miklu leyti í að kenna og æfa einstök spor og hreyfingar og tengja þau saman í dans.

Samkvæmisdanskennarar sérhæfa sig oft í dönsum á borð við suðurameríska dansa, þjóðdansa eða þá sem eru í tísku hverju sinni. Listdanskennarar kenna sígildan listdans og nútímalistdans en jassballettkennarar byggja kennsluna á listdansi í bland við aðrar danstegundir þar sem áhersla er lögð á frjálsan spuna.

Helstu verkefni
  • gerð kennsluáætlana og að ákveða kennsluaðferðir
  • leiðrétta líkamsstöðu og tækni nemenda
  • leiðbeina við túlkun í dansi
  • dansa með sýnikennslu
  • semja eða setja saman dansa fyrir nemendasýningar
  • æfa nemendur fyrir merkja- eða stigapróf og keppni
  • dæma í danskeppnum og prófum
  • þjálfa atvinnudansara og undirbúa þá fyrir sýningar eða keppni
Hæfnikröfur

Í starfi danskennara eru danshæfileikar nauðsynleg undirstaða auk áhuga á tónlist og því að hvetja aðra til að þróa áfram sína færni á þessum sviðum. Þolinmæði og góð félags- og samskiptafærni eru miklir kostir ásamt því að geta stjórnað nemendahópum og hvatt þá og einstaklinga áfram.

Danskennarasamband Íslands á FB

Nám

Listdanskennsla getur verið allt að 5 ára háskólanám. Margir hafa t.d. lokið námi af listdansbraut í framhaldsskóla, BA gráðu frá LHÍ eða erlendum listdansskóla að viðbættu tveggja ára kennsluréttindanámi hér heima eða erlendis.

Ekki fyrir þig?

Skoðaðu aðra valmöguleika

Tengd störf

Bókasafns- og upplýsingafræðingur

blank

Bókasafnstæknir

blank

Búningahönnuður

blank

Gervahönnuður

blank

Grafískur hönnuður

blank

Hljóðhönnuður

blank

Landslagsarkitekt

blank

Leikmyndahönnuður

Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.

Um er að ræða ráðgjafa símenntunarmiðstöðva, háskóla, á vegum fagráða eða sérfróða um raunfærnimat.

Umsjón og ritstjórn:
Arnar Þorsteinsson fyrir

Náms- og starfsráðgjöf